Tao Te Ching
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Tao Te Ching weurt gezeen es e book dat behuurt bis de twie wiechtegste heilege gesjrifde vaan 't Taoïsme, evels is de Tao Te Ching ieder 'ne filosofischen teks es 'ne relizjieuzen teks. Allewel de groeten taoïstische lieraar Lao Tzu oet allewijl China, dee 'ne contemporain waor vaan 't op de buun versjienenterende confucius in de zèsde iew veur Christus, alle ier krijg veur de Tao Te Ching, weit niemes zoonder mankatie of heer de riechtegen autäör devaan is. 't Gaans book betaomp oet minder es zèsdoezend wäörd, dat meint evels nog neet tot 't e gemekelek book is: d'n teks is cryptisch en 't gief hendeg väöl metafore.
De Tao Te Ching waor oersprunkelek 'ne leidraod veur Chinees hiersers. Op groond vaan 't wèrk is dé meneer um effektief te hierse 't ideaol te achternao gaon vaan de neet-assertief daod. 'tGinnege nierkump oppe idee vaan dao door neet te sjachele. Op groond vaan Tao Te Ching kin aktief neet-sjachele effektiever zien es roond te ketze wie'n kip zoonder kop. 't Book liert dees lèsse via paradoxe: de weeg nao veure beveurbeeld is door me ziech euvergeve of plaotsmake.
Centraol thema's in 't wèrk
[bewirk | brón bewèrke]- De idee vaan de Tao - De Tao (oetgesproke dow, Limbörgs: de weeg) is 't oonverenderlek prinsiep vaan 't universöm. Eus rol es mins is tot veer 'ne meneer veende um in hermenie mèt de Tao te leve. Went veer dit doen, meint dat ouch dat veer in hermenie leve mèt aander lui en de natuur.
- De idee vaan de Te - De Te is neet de Tao; 't vörmp de force vaan de Tao, 't oonbewösde funktioniere vaan 't lichaomeleke zelf. Door in kontak te staon mèt de Te, kin me in hermenie leve mèt de natuurforces.
- De idee vaan de Yin en Yang - Yin en Yang zien twie complementaire forces vaan 't bestande. Yin is vrouwelek, passief, duuster, absorberend en oondersteunend. Dees force weurt veurgestèld wie de eerd. Yang is dommenant, mannelek, leech, heit en doordringend. Dees force weurt veurgestèld wie d'n hiemel. Dees twie illemènte tezaome vörme gans en al leve en fenomene.
De Tao Te Ching spoort lui aon um de natuur te volge in plaots vaab de struktäör vaan 't gezelsjap; dit is e standpunt dat rech ingeit tege de strikde ordewètte die in de confuciaanse Analekte te veende zien.