Stent

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'ne Stent in 'n kransslaagaor.

'ne Stent is e metaalbuuske det m'n inne genaeskónde toepas. Me plaats dit in e vaat vanne bloodsómloup of 'n anger kenaal vanne patiënt mit es doel dit vaat aop te haje. Hiemit wiltj me vernejjinge grótter make, zoeadet drökversjillen inne blooddoorstruiming waere geminderdj in 't val van 'n gedeiltelike blokkaasj; dore stent te plaatse kan 't blood baeter stroumen en kump weer zoerstóf bieje organe. Stents duit me meis broeken inne kransslaagaore van 't hert, mer hae vindj döks ouch toepassingen in anger slaagaore, de sloekderm, de lóchpiep en inne plasbuus.

Bie 't plaatse van 'ne stent is t'r ummer opgevaje, hiedoor hoof me mer 'n klein incisie te make. Wen 't opgevaje buusken is geplaats, bluues m'n e blunken op det in 't buuske zitj verwirk, wodoor 't buuske zich oetzètj toetdet 't de gewinsdje gruuedje haet bereik.

Allewiel verzuutj me de stent döks mit óntstaekingsremmers en medikaasje, veur te verkómme det de vernejjing weer toegreutj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Stent&oldid=435645"