Hert

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Sjematische aafbeeldjing van 't hert mit Letiense beneuminge.

't Hert (Letien/medisch: Cor) is 'n haol spier die door zich same te trèkke blood door 't lief van 'n organisme pómp. E sumpel insektehert besteit oet ein haol buus die zich aaf en toe sametrèk en zoea 'n klein wieväölheid aan vleujstóf in bewaeging hèltj, mèn of mieër in ein richting, meh zónger geslaote vaatstèlsel. 'n Hert van e zougdeer is hieël gespecialiseerdj en haet veer afzunjerlike, door kleppe gesjeie, kamers die same twieë pump vörme die 'n in serie gesjakeldje, meh wiejer gesjeie, lóng- en liefscirculaasje ane gang haje.

Ligking[bewirk | brón bewèrke]

't Hert haet 'nen asymmetrische vorm (en dus neet wie e geteikendj hertje: ♥) en ligk in de thoraxhäöldje, zoeaget midden achter 't bórsbein, in 't mediastinum (de ruumdje tösse de twieë lónge). 't Hert ligk get mieër ane linkse kantj es ane rechse kantj van 't bórsbein; 't stèk zoea twieë centimaeter oet nao rechs. Inne linkse lóng daointaenge zörg 't hert veur 'n depe indeuking. 't Hert kan waere gezeen es 'n saort van keigel. d'n Toep daovan wuuertj d'n apex geneump en 't gróndjvlaak de basis.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hert&oldid=435650"