Bloodsómloup
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De bloodsómloup is 't geslaote systeem bie miense (of bie oetbreijing ouch anger dere) wodoor 't blood struimp. 't Guuef twieë bloodsómluip: de kleinen enne groeate. De vater verbinjen 't hert enne organen en zörge veuren aanveur van zoerstof en voorstoffen en veuren aafveyr van aafvalstoffe wie kaolstofdioxide. Ouch zörg de bloodsómloup veur circulatie van hormone, aafwaerstoffen en wurmdje.
Mit 't vaatstèlsel mèntj me 't gehieël van bloodvater in 't miensjelik lief. Dit stèlsel kan me opdeilen inne aanveurendjen slaagaore (artierieel stèlsel) enne aafveurendje aore (veneus stèlsel). De grótste wieväölheid aan blood bevindj zich inne aore (vene). Binne dit stèlsel hieërsj 'n rilletief lieëg blooddrök. Inne slaagaore (arterië) bevindj zich mer e rilletief klein deil van 't blood, mer hie hieërsj waal 'n hoeag drök. Dit is de raeje woveur bie 'n slaagaorlike bleujing ouch vrie snel e hoeag bloodverluus optruuedj enne laevesbedreigendje situatie shock kan optraeje.