Etterbeek: Versjèl tösje versies
K robot Erbij: sv:Etterbeek; cosmetische veranderingen |
K robot Erbij: bg:Етербек |
||
Tekslien 31: | Tekslien 31: | ||
[[Categorie:Brussels Hoofsjtaejelik Gewes]] |
[[Categorie:Brussels Hoofsjtaejelik Gewes]] |
||
[[bg:Етербек]] |
|||
[[br:Etterbeek]] |
[[br:Etterbeek]] |
||
[[ca:Etterbeek]] |
[[ca:Etterbeek]] |
Versie op 24 dec 2009 17:23
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Etterbeek ies 'n plaats en gemeinte in 't Brussels Hoofsjtaejelik Gewes. De gemeinte haet 41.585 inweunersj (tèlling 1 januari 2006) op 'n oppervlak van 3,15 km². Etterbeek liek ten zuudoaste van 't sjtadscentrum van Brussel.
Functies
De gemeinte Etterbeek ies 'n hoofzakelik Franstalige woongemeinte. Dao liegke 'n groate kazern van de riekswach, drie hospitale en inkel ambassades. De belangriekste campus van de Vrije Universiteit Brussel hèt waal Campus Etterbeek, meh liek in Elsene. De Europese insjtèllinge liegke ouch neet wied eweg en zint 'ne belangrieke werkgever.
Bezeenswaerdighede
Etterbeek tèlt 'n groat aantal hoezer en geboewe oet de 19e ièw. De Sint-Antoon-van-Paduakèrk ies geboewd in neogotische sjtiel. De Art Nouveau-arsjitek Paul Cauchie boewde in Etterbeek veur ziechzelf 't Maison Cauchie (1905). 't Gebeed woa noe 't Jubelpark liek huèrde bies 1853 bie Etterbeek.
Historie
Etterbeek weurt veur 't ièrsj vermeld in 1127, es Ietrebecca. De naam zou "snel sjtruimende beek" beteikene, nao 't Keltisch ett ("sjnel bewaeging"). Bies in de 17e ièw waor Etterbeek 'n hièrlikheid die ónder de hoofgemeinte Rode veel. In 1673, ónder de Sjpanjaarde, woort 't 'n baronie.
Bies in de 19e ièw waor 't 'n landelik dörp mèt landboew es belangriekste besjtaonsmieddel. Daonao greujde 't vas aan de agglomeratie Brussel en woort 't 'n veursjtad. D'r woorte belangrieke verkièrsjadersj aangelag, woa-ónder de Tervurenlaan.
Gebore in Etterbeek
- Lara Fabian, zangeres
- André Franquin, sjtripteikenaer
- Hergé, sjtripteikenaer
- Constantin Meunier, kunstenaer
- Herman van Rompuy, örsjte presidaent van Europa
- Kamiel Vanhole, Vlamsje sjriever