Isidorus van Madrid

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Aan dit artikel weurt de kómmenden tied nog gewirk. Tot daen tied kan d'n inhaud van 't artikel veurnaam informatie misse of nog neet good in zie verbandj ligke.

Isidorus van Madrid ies 'ne heilige , dae gebore ies in Madrid (Sjpanje) in 1070 en gesjtorve op 15 mei 1130. Hae ies de besjermheilige van boere en tuindersj. Ziene fièsdaag vèlt op 15 mei. Isidorus woort heilige verklaord door Paus Gregorius XV op 12 maart 1622.

Kèrk en kapel

Isidoruskapel

Aan de Plaza Mayor in Madrid sjteit de kèrk, die gewiejd ies aan de peteroanheilige van de sjtad: de San Isidrokèrk. 't Betref 'n 18e ièws barok geboew.

In 't dörpke Zjwier sjteit saer 2000 'n baekapel gewiejd aan deze Isidorus. Binne in 't geboew sjteit 'n mergele beeld van häöm.

'ne Andere heilige mèt dezelfde naam ies Isidorus van Sevilla, gesjtorve op 4 april 636 in Sevilla (Sjpanje). Hae ies de hudige petroanheilige van internet en computersj.