Sem Steijn

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Venloos, es te dit dialek sjpriks.

Sem Steijn (D'n Haag, 17 november 2001) is 'ne Nederlandse voetballer. Heer is rechsbeineg en späölt es middevelder.

Steijn woort gebore es zoon vaan Maurice Steijn, daan ouch voetballer. Heer góng in 2009 voetballe bij amateurclub SV KMD in Wateringen. In 2011 woort heer touwgelaote bij de jäögopleiing vaan ADO Den Haag. In de zomer vaan 2018 teikende heer e twiejaoreg contak bij die club.

ADO verhuurde häöm evels direk aon VVV-Venlo, boe ziene pa intösse trainer waor. Op 25 september 2018 debuteerde heer in de KNVB-beker, in 'ne match tege RKVV Westlandia. Zien Ieredevisiedebuut kaom op 6 december in 'nen oetmatch tege Feyenoord.

Steijn scoorde zienen ierste gool in de Ieredevisie op 23 aprèl 2019, in 'ne match tege sc Heerenveen. Door deze gool kort veur tied späölde zien club geliek.[1] Oetindelek kaom heer dat jaor evels neet wijer in actie. Heer woort nog oetgeliend aon al-Wahda oet de Vereinegde Arabische Emiraote, boe heer gaaroet neet aon speule touwkaom.

Belaankrieker woort heer veur ADO Den Haag, boe heer tösse 2019 en 2022 drei jaor späölde en laankzaamaon tot 'ne basisspeuler oetgreujde. In 2022 transfereerde heer nao FC Twente.

Bronne[bewirk | brón bewèrke]

Dit artikel is gebaseerd op 't corresponderend Nederlandstaoleg artikel, en wel in dees versie.

Rifferenties[bewirk | brón bewèrke]

  1. Eredivisie.nl - Gouden familiewissel Steijn zorgt voor punt VVV in Heerenveen
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sem_Steijn&oldid=458053"