Rheinisch-bergischer Kreis

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Locator map GL in Germany.svg
Municipalities in GL.svg

De Rheinisch-bergischer Kreis is 'ne krink (Kreis) in 't zuie vaan Noordrien-Wesfale (Duutsland). Dit Rienlands distrik ligk in 't Regierungsbezirk Köln, de hoofplaots (de stad mèt de Verwaltungssitz) is Bergisch Gladbach. Behurende bis eine vaan de 31 kring in Noordrien-Wesfale (de 23 stei zoonder krink weure neet mètgetèld), heet 't 'n oppervlak vaan 437,32 km², 'n inwoenertal vaan 278.440 en 'n bevolkingsdeechte vaan 637 de veerkante km (volgens de census op 13 dec 2013). Edere Noordriens-Wesfaalse krink weurt geriegierd door 'ne landraod (Landrat) in de hoofplaots. In de Rheinisch-bergischer Kreis weurt Ripuarisch gesproke, al praote de Rienlenders lever vaan Bergisch. Dat is umtot 't dialek vaan de Bergische Kreise al in zoen groete maote lieket op zuielekere dialekte wie Elzassisch, dat 'ne Limbörgstaolege meuite heet ziech hei verstaonbaar te make mèt ziene mojertaole, in tegedeil tot de Ripuarischtaolege gebeije die ziech, wie vreuger ouch Limbörg, mie riechte op 't Kölsj. De in 1932 opgeriechte Kreis had bis 2005 'n steigend demografisch oontwikkeling, evels daolde toen in bevouking door de forse vergriezing in dees regio. Zoe had 't in 1975 nog 243.578 lui dao woene, goof 't d'r 279.092 in 2005 en zien d'r noe (2013) nog 278.440. De daoling geit hei evels laank neet zoe hel es in de meiste gebeije vaan 't Rienlands achterland.

Steij Gemeintes
  1. Bergisch Gladbach
  2. Burscheid
  3. Leichlingen
  4. Overath
  5. Rösrath
  6. Wermelskirchen
  1. Kürten
  2. Odenthal