Kürten

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan dees gemeinte in de krink en in Noordrien-Wesfale

Kürten (tot 1935 Cürten; Ripuarisch: Küürden) is 'n Rienlandse gemeinte in de krink (Kreis) Rheinisch-Bergischer Kreis, te Noordrien-Wesfale (Duitsland), noordoostelek vaan Bergisch Gladbach in 't Bergisch Land. Mèt zien 67,29 km² en 19.458 inwoeners (2014) heet 't 'n bevolkingsdeechte vaan 289 de veerkante kilometer.

De gemeinte is te klein um stadsdistrikte te höbbe, mer 't gief dao wel 69 Ortsteile (dörper en gehuchte die bij de gemeinte hure). Kèrkdörper in de gemeinte neve Kürten zelf zien Bechen (tot 1975 zelfstendeg), Biesfeld, Dürscheid (tot 1975 zelfstendeg), Offermannsheide en Olpe (tot 1975 zelfstendeg).

Op 5 december 2007 hiemelde hei de bekinden Duitse componis Karlheinz Stockhausen. Heer woende sinds 1961 in Kürten en waor sinds 1988 ierebörger vaan de gemeinte. Kürten neump ziech um häöm Stockhausen-Gemeinde. In 't dörp bevint ziech ouch 'ne Karlheinz Stockhausen-Platz. Wijers vinde hei alle twie jaor de Stockhausendaog plaots, e congres annex festival dat voortkump oet de compositielesse vaan de meister.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kürten&oldid=420780"