Pyrenees adonisruueske

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


E Pyrenees adonisruueske.

't Pyrenees adonisruueske (Adonis pyrenaica) is 'n zeldjzaam, euverblievendje plantj oete ranonkelfemielie (Ranunculaceae), die me taengekump inne Pyreneeje enne wèstelike Alpe. De plantj greutj veurnamelik op rotsen en steinige plaatse toet op 2.400 m huuegdje. 't Pyrenees adonisruueske van waeren óngersjeie van anger adonisruueskes dore groeate gael blome. Me kan 'm vanne veurjaorsadonis (Adonis vernalis) óngersjeie door 't óntbraeke van sjöbben ane voot vanne stengele.

't Pyrenees adonisruueske is 'n euverblievendje, kroedechtige plantj mit 'nen toet 30 cm hoeagen, ónbehaordje stengel, zónger sjöbben ane voot. De stengelblajer staon versprèdj en zeen twieë- of drieveljig gevaerdj mit hieël fien blaadslepe.

De blome staon allein anen toep vanne bloomsstengel, opgerich, zónger sjötblajer, toet 60 mm in doorsnit, radiaal symmetrisch, deep-kómpvörmig, mit ónbehaordje kelchblajer en 12 of mieë glanzendj góldgael kroeanblajer. De bloom bezitj talrieke gael maeldräöj.

De plantj bleutj van junie toet julie.

't Pyrenees adonisruueske kump väöl veur in sierhäöf.