Prómmere

Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Jellekerker, es te dit dialek sjpriks.

---

Uëverzichskieërtsje va Prómmere.

D'r kirk i 't dörp en de lengelige umgeëving .

Prómmere (Duutsj: Prummern) is e dörp i de gemingde Jellekerke dat behuët tót 't Krink Hinsberg i 't weste va de Pruusje bóndssjtoat Noardrien-Wesfale. Óp 30 november 2012 hat 't 691 lüj. 't Óp 84 bis 101 meter hoeëg ligkend dörpke, ligk oeëstelig va de sjtad Jellekerke zelver. D'r K24 verbink Prómmere mit de noaberdörper Würm en Beeck en mit d'r B56 tusje Jlabbach en Oake. D'r Immendorfer Fließ sjtruimt noardoeëstelig va Prómmere en móngt noa inkele kilometesj oet i de groeëter Beeckfließ.

Prómmere is e typisj kirkdörp, mit d'r kirk as middelpunt, oeë-va veer sjtroate i de himmelsrichtinge vuëre durch 't dörp. D'r Weëltkrieëge zörgte vuur vöal verlieze vuur 't dörp. I de Ieësjte Weëltkrieëg kame 32 soldate oet Prómmere um 't leëve, en i d'r Twieëde Weëltkrieëg 50. I de leste fase va deë krieëg woeëd 't dörpke zjwieër bekaampt durch de gealjeerde en de Wehrmacht, oeë-bei 't ganse dörp verneeld woar en de bevólking geëvecueerd woeëd. 20 november 1944 veel Prómmere en twieë daag sjpieër veel e anger bolwirk óp inne heuvel dat noardoeëstelig va Prómmere ligk.