Süggerath

Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Jellekerker, es te dit dialek sjpriks.

---

Zich óp Süggerath;

Süggerath is e dörpke i de gemingde Jellekerke dat behuët tót 't Krink Hinsberg i 't weste va de Pruusje bóndssjtoat Noardrien-Wesfale. 't Hat óp 31 december 2010 730 lüj en 't óp 64 meter hoeëg ligkend plaatsjke ligk óch i 't daal va 't reveerke d'r Worm. D'r L42 verluëp durch 't dörp, net wieë d'r ieëzerweëg Oake-Düsseldörp. De gesjichtelige oersjprung geet truuk noa de Franke. Süggerath lóg d'n tied tusje Kölsje en Luuks-Broabantse invlódsjfeer. 't Aachtervoogsel -rath i d'r naam Süggerath, beteëkent roajing, waat doa óp deed dat vuur 't boewe va de nederzatting, sjtökker busj óf anger netuur zint geroajd. 't Dörpke woeëd vuur 't ieësj vermild i 1153 as Segerod i e dokument va d'r eëdsbissjop va Kölle.

Uëverzichskieërtsje va Süggerath

I d'r Twieëde Weëltkrieëg woar 't dörpke militair va belang en woar 't geleëge aa d'r Westwall, dat sjütslinies woare um e groeët deel va (Linksrheinisch) Pruusj te sjuutse teënge d'r gealjeerde ópmars. Bis in de '70 woare deler va de linie good zichbaar, meh noe zint nag risjtenger te zieë, wieë zoeëgeneumde Panzergraben.