Pole (vouk)

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De Pole (Pools: Polacy) vörmen e Slavisch vouk en etnische groep det inheims is aan Polen en 'ne gemeinsjappelike Poolse kómaaf, kultuur en gesjiechte deiltj. De moderspraok vanne Polen is 't Pools.

In Pole make zie bao 97% vanne bevölking oet. 't Guuef wiejer nag klein minderheje van Duutsjers, Kasjoebe, Mazoere, Roetheniërs en Silesiërs. Wiejer kómme de Pole zelf nag boete Pole veur in Litouwe, Oekraïne, Róslandj en Witróslandj. De Pole höbbe zich saere val vanne Iezere Gerdien ouch gevestig in Wès-Europa, in lenjer wie Duutsjlandj, Frankriek, 't Vereinig Keuninkriek en Nederlandj. In 't naorde van Nederlands Limbörg (veural inne gemèndjes Vinlo en Haors ane Maas) guuef 't 'n rilletief groeate en grujjendje Poolse gemeinsjap. De Poolse gemeinsjap inne Parkstad en in Belsj Limburg is klènder, mer ouch ajer. Dao kome zie vreuger wirken inne kaolemiene.

Werreldwied guuef 't zón 60 miljoen Pole, wovan mieër es de hèlf in Pole wóntj. Boetedet wone miljoenen aan Polen in lenjer wie Breziel, Canada enne Vereinigdje Staote, mer ouch in Australië en Israël.

De Pole zeen euverwaegendj katteliek, zoea 92% vanne inweuners van 't landj hange dit geluif aan.

Bekandje Pole[bewirk | brón bewèrke]

Extern linke[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pole_(vouk)&oldid=464123"