Pierre Joseph Lardinois

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Pierre Lardinois (1971)

Pierre Lardinois (Norbik, 13 augustus 1924 - Amsterdam, 16 juli 1987) waor 'ne Nederlandse politicus. Es Norbikse mäölenaerszoon makde haeë nao z'n sjtudie in Wageninge sjnel karjaer in de agrarische waelt. E waoërt väörzitter van d'r Noord-Brabantse Boereboond en noom in de KVP-fraktie 'n machtige poziesje in. E waor minister van laandboew en visjeriej in de kabinitte van De Jong en Biesheuvel. Haeë verdedigde in Brussel en Den Haag de belange van 'zieng' boere. Klompé von 'm aerg rechs. In d'r ministerraod waor e taeëge de verlanges van de vakboonde en väör 'n hael optraeje bie oongeregeldhede. Nao z'n ministersjap waoërd-te lid van de Europese Commissie en hoofdirecteur van de Rabobaank.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pierre_Joseph_Lardinois&oldid=349647"