Pater Damiaan

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Pater Damiaan woort op 3 januari 1840 es Jozef de Veuster in 't gehuch Ninde van Tremelo (Belsj) gebore. Hae ies op op 11 oktober 2009 in Roame heilig verklaord door paus Benedictus XVI. Bekènd woort hae door zien werk es missionaris ónder melaatse in Hawaï. Hae sjtorf in Molokaï op 15 april 1889.

Pater Damiaan ies de petroanheilige van aidspatiënte en melaatse.

't Geboortehoes in Ninde, eigendom van de patersj Picpussen, is noe 'n museum. De keuke ies ingeriech es kloasterkapel mèt de doadskies woa-in pater Damiaan in 1889 begrave woort en woa-in hae in 1936 versjeep ies gewore nao Belsj. In de groate zaal sjteit 't altaor dat Damiaan zelf maakde veur zien kèrk in Kalawao op Molokaï.

Bie 'n verkezing in 2005 door de VRT höbbe de Vlaminge de pater oetgekoze tot "de groatste Belsj".

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pater_Damiaan&oldid=456641"