Frans Schleiden

Van Wikipedia
(Doorverweze van Pastoer Schleiden)

Dit artikel is gesjreve (of begós) in 't Vielender. Laes hie wie v'r mit de versjillende saorte Limburgs ómgaon.


Frans Schleiden (Pastoer Schleiden, Setterich-Siersdorf, Duutsjland, 7 maart 1896- Kèrkrao, 12 juli 1955) wirkde in Viele es keploan. Dat woar heë sjpieëder óch i Kirchroa (Hoots). Heë woar joarelank sikkerteer van Veldeke.

Heë is Nederlander woade beej de wet va 26-02-1914. Noadat heë gewied woar, kómp heë als kaploan noa Viele, i 1920. Doanoa kaploan i Gebrook va 1928 bis 1936. Dan óp Mölleberg va 1936 bis 1939. I 1939 beneumd als pastoer i Mheer bis 1945. Uvvergeplaatsjt noa Holz-Kirkroa bis †12 juli 1955.

Pastoer Schleiden woar besjtuurslid va Veldeke va 1929 bis 1955. Hoofdredakteur va 1931 bis 1938.

Heë is egelik d'r man dae d'r basis hat gelaad um 't Vieleter dialekt óp papier te zètte. Dat how als vurdeel dat, in ing tsiet woa nog ginge televisie en zich benoa ginge de luxe van inge radio koeënt permittere, toch get d'ra gedoa is woade dat de luuj zich ins koeënte amezere. Dat boete de kermis of e deup- of kommuniefès.

Umdat Veldeke vunnef joar besjtóng, is óp zóndig d'r 25e januari 1931, D'r brand va Bellent ópgevuurd. Dat woar i dreej bedrieve, tusjedurch koeënt me loestere noa de moeziek van 'É Heëlesj sjtriek-orkes'.

D'r brand va Bellent woat midde 70er joare durch mieë bekende luuj oet Viele (allemoal amateurs) an de Boom i Viele ópgevuurd.

Beej de ónthulling van 't monument óp d'r hoek Vieleberg/Vielenersjtroat, dónge benoa alle vereniginge mit.

In 1965 sjrieft Cor Bertrand in 't tiedsjrif Veldeke (nr.218) dat 't gemingdebesjtuur van Haeële wijle pasjtoeër F. Schleiden oonlangs ieërde dör 'n sjtraot in de sjtadswieëk Mäöleberg nao 'm te neume. De Schleidenstraat liekt in de buurt van sjtraote geneumd nao ander sjrievers, zoewie Hendrik van Veldeke, Jacob van Maerlant en Guido Gezelle.

Bibliografie[bewirk | brón bewèrke]

  • Hazegerf en Brommeleblaar
  • Piër va Hanne
  • De hillige va g'n dörp
  • Pastor Selderke in Veldeke, nr. 244, 1969
  • In Sjiek Klassiek (LiLiLi 18) sjteet ing jesjiechte van zieng hank.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Frans_Schleiden&oldid=439183"