Marcel De Puydt
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Marcel De Puydt (1855-1940) waor 'n Belzje archeoloog dae z'n sjtudies in Name deeg. E waor al joonk sjtaerk oonder d'r indruk van 't archeologisch waerk va Ed. Dupont oet Dinant. Wie De Puyts vader sjtorf in 1879 verhuusde e nao Luuk oeë z'n rechtesjtudie aafmakde. Vervolges waoërt e lid van 't Luukse archeologische instituut en e waoërt Chef du Contentieux de la Ville. D'r mètste tied besjtede e an archeologische vaeldwaerk en z'n besjrievinge daovan zeunt helder en ter zake. Väörbarige interpretaties oontbraeëke.
Neanderthaler va Spy[bewirk | brón bewèrke]
Same mèt d'r geoloog M. Lohest oontdèkde De Puydt in 1885-1886 de fossiele reste va Neanderthalers in de grót va Spy.[1] De Puydt deeg opgravinge in de Condroz, in 't Laand va Herf, d'r Voersjtrieëk (o.m. Rule, mei 1919) en in Nederlands Limburg (o.m. in 1881 de vuursjtèèmien va Riekelt).
De oetzoonderleke collectie van De Puydt is oonderbrach in 't Luukse Curtiusmuseum.
Oontmoeting mèt J.H. Holwerda[bewirk | brón bewèrke]
Op 6 juli 1905 bezoch J.H. Holwerda, saer 1904 conservator van 't Rijksmuseum van Oudheden in Leide, De Puydt in Luuk, naodat-e op 3 juli 1905 de vuursjtèèmien va Riekelt how bezoch. Op dat momaent koes Holwerda laestèg geleuve dat 't in Riekelt gong om 'n neolithische site. Pas naodat e in 1923 de site wer bezoch en zich dör z'n Belzje collega's J. Hamal-Nandrin en J. Servais how laote informere, raakde ooch Holwerda d'r van övertuugd dat 't gong öm pre-historisch materiaal.[2]
Bronne[bewirk | brón bewèrke]
- La Prehistoire à travers les collections du Musée Curtius de Liège, WAHLE & Cie, s.p.r.l., Liège. ISBN 2-87011-009-X
- http://www.vuursteenmijnen.nl/rijckholt/thumbnails/000-marcel-de-puydt.html
Varia[bewirk | brón bewèrke]
Dör bemiddeling van Marcel De Puydt in 1889 makde d'r erfgenaam van Theodoor Weustenraad, Godefroid Borgnet, sjeunbroor van De Puydt, in dat ègeste jaor manuscripte van De Percessie vaan Sjerpenheuvel över an 't Mestreechse Sjtadsarchief. [3]
Referentie[bewirk | brón bewèrke]
- ↑ De grót van Spy
- ↑ Jaarboek 2005, LGOG, Publications de la Société Historique et archéologique dans le Limbourg, Een studiereis door Brabant en Limburg in 1905, Leo B.M. Verhart, ISSN 0167-6652
- ↑ Theodoor Weustenraad en de "Percessie van Scherpenheuvel", Lou Spronck, Maaslandse Monografieën 72, 2009 Blz 321