Loppersum

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Loppersum
Gewaeze gemeinte in Nederlandj

Veendel vaan Loppersum

Waope vaan Loppersum (sinds 1991)

Ligking vaan Loppersum (gemeintegrenze anno 2016)

Gevörmp ?
1991 (fusiegemeinte)
Opgehaeve 2021
Opgegange in Eemsdelta
Provincie Groninge
Hoofplaats Loppersum
Opperflaakde (bie opluffing) 111,99 km²
– daovan water: 0,95 km²
Inwoeners (kort veur opluffing) 9.477 (1-8-2020)
deechde: 85/km²
Lies van börgemeisters

Loppersum (Gronings: Loppersom) is e dörp in de Nederlandse gemeinte Eemsdelta (provincie Groninge), mèt op 1 jannewarie 2020 2.435 inwoeners.

Loppersum is e wierdedörp, dat wèlt zègke gebouwd op 'n pre- of vreughistorische wierde (Gronings veur terp, woenheuvel), boe-op roond 800 de ierste kèrk gebouwd woort. De huidege kèrk is deils romanogotisch, deils laat-gotisch (en veur Groninge mèt zien väöl romaanse dörpskèrkskes neet bezoonder aajd). Binne-in dees kèrk vint me vieftiende- en zestiende-iewse sjèlderinge en 'n örgel oet 1562.

In en um Loppersum heet me väöl las vaan verzakking door gaaswinning bij Slochteren.

Tot 2021 waor Loppersum 'n zelfstendege gemeinte, die neve de hoofplaots ouch de kerne Eekwerd, Eekwerderdraai, Eenum, Fraamklap, Garrelsweer, Garsthuizen, Hoeksmeer, Honderd, Huizinge, Kolhol, Leermens, Lutjerijp, Lutjewijdwerd, Merum, Middelstum, Oosterwijtwerd, Startenhuizen, Stedum, Stork (Groninge), Toornwerd, Westeremden, Westerwijtwerd, Wirdum, Wirdumerdraai, 't Zandt, Zeerijp en Zijldijk umvatde. De mieste vaan de kerne waore extreem klein, meh Middelstum, Stedum en Wierum waore tot 1990 apaarte gemeintes. In dat jaor woort ouch e deil vaan de toen opgelufde gemeinte Kantens bij Loppersum geveug.

Wie de provincie groete fusieplanne aonkundegde, waor wel dujelek tot 't klein Loppersum neet zelfstendeg kós blieve doorgoon. In ierste instantie woort geloerd of me kós mètdoen aon de fusiegemeinte Het Hogeland; oetindelek woort evels gekoze veur 'n fusie mèt Appingedam en Delfzijl tot de gemeinte Eemsdelta.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Loppersum&oldid=446854"