Terp

Van Wikipedia
Naar navigatie springen Jump to search

Dit artikel is begós in 't Mofers. Laes hie wie v'r mit de versjillende saorte Limburgs ómgaon.


Hogebeintum, 'nen terp in Frieslandj.

Terp of wierde is e waord womit me in Nederlandj kónsmaesige häöelen aanduudj, die woorten opgewórpe veur bie hoeagwater 'n druuege plaats te höbbe. Dees vlöchhäöele verangerdje döks in woeanhäöele worop sómtieds kómplieëte dörper woorte geboedj. Terpe kome veur langse ganse Waddekös van Wès-Europa: in 't Belsj, Naord-Nederlandj, Naord-Pruses en Wès-Denemarke. In Groningen en Frieslandj ligke same 1190 terpe: 955 in Frieslandj en 235 in Groninge. Inne neugetieëndjen ieëf wore hievan nag 867 euver. Väöl zeen daonao verzwónje door aafgravinge.

't Waord "terp" woort oearsprunkelik allein in Frieslandj gebroek. In Groninge gebroek me meistes de benaming "wierde", in Naord-Hóllandj en op 't eilandj Marken de benaming "werf", in Naord-Pruses de benaminge "warft", "wurt" of "wierde" en in Denemarke "værft", "varft" of "verft". 't Waord "terp" kump oet 't Aadfries en is geliek aan 't Limbörgs waord "dörp"; 't waord "wierde" kump van 't Aadfries "werd" of "wird" en beteikentj huuegdje.

Hogebeintum is mpt 8,80 maeter baove NAP de hoeagsten terp van Nederlandj; Warffum is de grótste.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Terp&oldid=356830"