Delfzijl

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Delfzijl
Gewaeze gemeinte in Nederlandj

Veendel vaan Delfzijl

Waope vaan Delfzijl

Gemeinte Delfzijl in Groninge

Gevörmp
Opgehaeve 2021
Opgegange in Eemsdelta
Provincie Groninge
Hoofplaats Delfzijl
Opperflaakde (bie opluffing) 227,50 km²
– daovan water: 94,44 km²
Inwoeners (kort veur opluffing) 24.609 (1-8-2020)
deechde: 185/km²
Lies van börgemeisters

Delfzijl (Gronings: Delfziel) is 'n plaots in de Nederlandse gemeinte Eemsdelta (provincie Groninge). De plaots heet zoeget 15.000 inwoeners, al löp dat aontal de lèste decennia trök. Heimèt is 't de groetste plaots, allewel tot Appingedam de hoofplaots vaan de gemeinte is.

Tot 2021 waor Delfzijl 'n zelfstendege gemeinte boe ouch de plaotse Bierum, Biessum, Borgsweer, Farmsum, Godlinze, Holwierde, Krewerd, Losdorp, Nansum, Meedhuizen, Spijk, Termunten, Termunterzijl, Uitwierde, Wagenborgen, Weiwerd en Woldendorp bij hoorte. De mieste vaan de kerne zien hendeg klein. Sommege hoort ummer al bij de gemeinte Delfzijl, aandere pas sinds 'n fusie in 1990. 't Dörp Heveskes woort in de jaore zèsteg gesloop veur ruimte veur de have te make.

De stad Delfzijl is neet zoe beziensweerdeg; ouch binne de aw vesting euverheers nuibouw. Kortbij de stad ligk 'n havegebeed boe väöl inwoeners werk vinde. Eder vief jaor weurt 't evenemint DelfSail georganiseerd. 't Is nao Sail Amsterdam 't twiede maritiem evenemint vaan Nederland. 't Trok in 2016 500.000 bezeukers. [1]

Stadsfuncties[bewirk | brón bewèrke]

Allewel tot 't neet al te groet is, nump Delfzijl in dit dunbevolk gebeed 'n centraal plaots in. Dewijl me wel veur ummer mie veurzieninge in de stad Groninge moot zien, vint me dao nog altied veurtgezat oonderwies en werk, oonder mie in de te noordweste gelege Eemshave. Dezen have vörmp 'n aonvölling op de groete concurrente Rotterdam, Bremerhaven en Hamburg en profiteert vaan de Eems, 'n Nederduitse revier dee hei in e breid estuarium de Waddezie instruimp. De beteikenis vaan de have is evels achtergebleve en in de stad hierse sjomaasj en emigratie, mèt väöl leegstaonde hoezer es gevolg.

Historie[bewirk | brón bewèrke]

Delfzijl is vergeleke mèt de meiste andere Groningse plaotse vrij joonk, wat ziech aon de naom liet zien: geine twiestammege, oondoorziechtege naom op -um, meh 'n plaotsumsjrieving: sluus (plaotselek siel) in de Delf d'n awwe naom vaan 't Damsterdiep. In de zestiende iew kaom de plaots op es havestad, en es verdeidegingsbolwerk. In de jaore zesteg begós me Delfzijl te oontwikkele es havestad, meh wie de Eemshave, woeveur o.m. 't dörp Oterdum gesloop mós weure, in 1973 veerdeg waor kós 'r ziech slech oontwikkele door de economische crisis. Tot op d'n daag vaan vandaog is devaan neet gewore wat me verwach had.

In häör leste jaore is de gemeinte Delfzijl bekind gewore um oonophawlik gevreigels in de gemeinteraod. In 2000 mós 'ne corrupte wethawwer aoftrejje, in 2003 zelf de börgemeister en 't colleesj vaan B&W, woenao ex-minister Annemarie Jorritsma veur kort es börgemeister geïnstalleerd woort. Häören opvolger woort in e referendum eweggestump, boenao in 2004 M. Appel-de Waard es ieste börger aontrooj. De chaos, in combinatie mèt 'n vergrijzende en verermende bevolking (ouch in lendeleke naobergemeintes), waor veur de provincie rei um ouch Delfzijl neet vaan de groetsjaolege herindeilinge te versjoene. Nao 't bestudere vaan diverse alternatieve woort beslote tot 'n fusie mèt Appingedam en Loppersum tot 'n gemeinte Eemsdelta.

Demografie[bewirk | brón bewèrke]

Delfzijl waor de lèste jaore e prominent veurbeeld vaan 'n krimpgemeinte, zjus wie de ander gemeintes in Noord- en Oos-Groninge. De gemeinte behuurt tot ein vaan de Nederlandse gemeintes die 't meist te kampe heet mèt de bevolkingsdaling. 't Hoegtepunt woort in 1981 bereik, daonao zeet me 'n continue daling

  • 1960 - 24.934 inwoeners
  • 1965 - 27.123 inwoeners
  • 1970 - 30.474 inwoeners
  • 1975 - 31.863 inwoeners
  • 1980 - 34.203 inwoeners
  • 1985 - 33.424 inwoeners
  • 1990 - 31.962 inwoeners
  • 1995 - 30.744 inwoeners
  • 2000 - 29.015 inwoeners
  • 2005 - 28.446 inwoeners
  • 2010 - 26.635 inwoeners
  • 2013 - 26.025 inwoeners
  • 2016 - 24.974 inwoeners
  • 2020 = 24.609 inwoeners

Gebore in Delfzijl[bewirk | brón bewèrke]

Externe link[bewirk | brón bewèrke]

Commons: Category:Delfzijl – Media gerelateerd aan dit óngerwerp
  1. https://web.archive.org/web/20160705143145/http://www.westerwoldeactueel.nl/2016/07/04/delfsail-trok-half-miljoen-bezoekers/
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Delfzijl&oldid=460329"