Linner

Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Jellekerker, es te dit dialek sjpriks.

---

't Hubertuskrüts.

Linner (Duutsj: Lindern) is e dörp i de gemingde Jellekerke dat behuët tót 't Krink Hinsberg i 't weste va de Pruusje bóndssjtoat Noardrien-Wesfale. Óp 30 november 2012 hat 't 1.299 lüj. 't Óp 77 bies 82 meter hoeëg ligkend plaatsj hat infrastruktureel 'ne wiechtige beteëkenis vuur de kót bei umgeëving, vaweëge höar sjtasie. Wieër lup óch d'r L228 en d'r L364 durch Lindern. D'r sjnelweëg A46 va Dusseldörp noa Zittert, en d'r wiechtige B57, ligke óch kót bei. Bezunger is, dat 't dörp weëd umgeëve durch winkturbine's, weil 't dörp groeëtdeels óp inne heuveltóp ligk. Óch is Lindern lokaal as hoeëgste tóp 'n watersjei tusje de ziejrevere d'r Roer aa de oeëstelige deel va 't dörp en de Worm, i 't westelig deel. 't Ganse gebeed echter, behuët wier tót 't sjtruimgebeed va d'r Moas. Aa 't weste sjtruim óch d'r Beeckfließ. Alle revere kanne noa 't sjmilte va sjnee óf vöal nieërsjlaag oet höar oevers treeë.

D'r naam Lindern koam i 945 vuur 't ieësj vuur as Lintlar, waat zoeëget beteëkent as beboewing bei de Linde. Toendertied sjenkte de eëdsbissjop va Kölle, eëdsbissjop Wichfrid, 't versjtarkte hoes Lintlar aa 't Ursulakloeëster. 't Dörp hat óch 'n sjtrategisje ligking en doadurch woeëd Lindern, meh óch de heuvels richting d'r noaberplaatsj Linnich i 1444 sjtrieëdtoneel i d'r Twieëde Geldersje Suksessiekrieëg (zuut: Sjlaag va Linnich). Aa d'r weëg noa Linnich herinnert 't Hubertuskrüts nag aa d'r veldsjlaag. Bies 1 januari 1972 woar 't 'n zelfsjtandige gemingde.

't Sjtasie va Lindern.

Kieërtsje va Lindern.