Limburgs keteerke
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Limburgs keteerke is 'n zèkswies die algemein in Limburg veurkump. De oetdrökking wies dich drop det es 'nen tied aafgespraoken is, 't neet óngebroekelik is es 't e keteerke later wuuertj. 't Is 'n favoriete smoes wo me zich mer al te gaer op bereup es me te laat kump.
Ouch wuuertj gekaldj van 't Limburgs keteerke in ieëre haje.
Keteerke per plaats
[bewirk | brón bewèrke]Ofsjoean 't keteerke in gans Limburg waal veurkump, refereertj me meistal nao de eige plaats:
Mofers keteerke, Mestreechs kerteerke, enz.
Laatkómmers
[bewirk | brón bewèrke]Mit al die keteerkes is nag neet gezag det Limburgers wörkelik dökker later op de plaats van bestömming arrivere es neet-Limburgers. Daobie is 't bewöste keteerke neet noeadwendig gebónje ane grenze van Limburg. Ouch keteerkes anen angere kantj vanne päöl wie 't Braobantjse en Gelderse waere gehuuerdj.
Varia
[bewirk | brón bewèrke]'t Zangduo Paul en Leo (Paul Munsterman en Leo Keularts) oet Haerle hawwen in 2007 'ne carnavalssjlager in 't LVK mit es titel "'t Limburgs kwarteerke".