Liefland

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Liefland (Liefs: Līvõmō, Lèts: Livonija, Eslands: Liivimaa, Duutsj: Livland, Latien: Livonia, Róssisch: Лифляндия ofwaal Liflyandiya, Pools: Inflanty), ies 'nen historische regio in de Baltische sjtate. Oarsjprunkelik umvatde 't grofweef 't gebeed van de allewiel leng Esland en Lètland, later 't gebeed te ooste van de Golf van Riga, besjtoonde oet 't noordelik deil van Lètland en 't zuuje van Esland, en allewiel veural gebruuk um te rifferere nao de Lètse regio's Vidzeme en Latgale en 't zuujelik gedeilte van Esland rondum Tartu.

Liefland is geneump nao de Lieve, die 'n mèt 't Eslands (Finoegrische) taal kalle en de regio oarsjprunkelik bewoonde. 't Liefs, zoawie de taal heat, is allewiel bauw oetgesjtorve. In 2013 sjteerf de lèste persoon dae 't es moojerstaal sjprook. De Lètse regering haet versjillende poginge opgezat um de taal nuuj leve in te blaoze. Inmiddels (2022) sjprik eine persoan 't weer es moojerstaal (L1) en zo'n 250 luuj es twiède taal (L2). In Esland ies de taal nog truuk te huère in häör invlooj op de Zuud-Eslandse dialekte. In de jaore 1990 woort Lieflands veural nog door individuë gekald in klein, geïsoleerde deil van Koerland, 't kusgebeed van Lètland.

Liefland genoot zien politieke onaafhankelikheid veural onger de Lieflandse Orde die besjtong van 1237 bies 1561. De houfsjtad waor toen Wende (allewiel: Cēsis). Daonao woort 't subjek van versjèllende oorloge en anger machte.