Finoegrische taole

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Finoegrische taole betaome ziech bis de Oeralische taole. Evels gief 't in de Oeralische taole es einegste in Europa (neve 't Baskisch) geinen Indo-Europesen oersprunk. 't Gief gein aoneinsletend Finoegrisch gebeed. Me zal in de Taolkónde väöl "Indo-Europese happe" veende in 't Finoegrisch gebeed, boe-door allein al de drei groetste Finoegrische taole, en de einegste Oeralische taole mèt 'n sjrèfhistorie, neet aonmekaar aonsleten. Me moot dös door Indo-Europees gebeed gaon, wil me laanks 't spraokgebeed vaan Staanderdfins, Hónzjaars en Estisch reize. 't Gief de mieste Finoegrische taole in Scandinavië, de Baltische Staote en Siberië. Wat mèrkwierdeg is, is dat de Finoegrische taole (oongeach welke) iewe laank nurges e belaangriek aongezeen hadde. In aander wäörd, 't woort wel vólop door de gewoen lui gepraot, mer de riek en mechtig luij verkoze gere 'n aander (Indo-Europese) taol. In Fènland waor dat Zweijs, boe-door allewijl aon de weskös vaan 't laand gaaroet gein Fèns mie weurt gesproke mer allein mer 'n soert door Fèns beïnvlood Zweijs. In Esland is dat ummertouw Poels gewees en dat begos ziech pas laankzaom te veraandere nao de val vaan de Sovjet-Unie. Estisch kraog pas wirkelek allure bij 't touwtreije bis de EU. Hónzjaars stoond altied minder good aongesjreve bij de rieke es Duits, dat iewelaank de kultuurtaol vaan Hónzjerije waor umtot 't gebeed 'n lang tied bis Oesteriek veel. Ouch bij Fènland en Hónzjerije heet de EU 'nen aordege vinger in de pap gehad es 't góng um 't motivere vaan de Finoegrische taole, die allewijl gepraot weure door oongeveer 26 - 30 meljoon luij, al is dat neet zeker: 't gief naomelek väöl betrèkkelek oonbekènde Finoegrische taole in Siberië, boevaan veer 't bestaon najeleks loompe.

Brón[bewirk | brontekst bewerken]

De Taolakedemie vaan Greuninge (stad), Nederland.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Finoegrische_taole&oldid=345498"