Lemieësj

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Völzer, es te dit dialek sjpriks.

---

Lemieësj (Nederlands: Lemiers) ies 'n dörp in de gemeinte Vaols in 't heuvelland van Zuud-Limburg. Ouwer name zint: Lumirs, Lomers en Lymier. In de Selzerbeek- of Sinzelbeek (ouch waal Senserbach) monde hie vief beke oet: Zieversbach, Klaasvelderbach, Hermansbach, Harleserbach, Orsbacher Pütz.

Kerne

't Dörp besjteit oet 3 deile:

• Oud Lemieësj, dit ies de ouw dörpskern, die op Nederlands gróndgebied liek tege de Duutsje grens
• Nuuj Lemieësj, aan en rónd de rieksweeg van Vaols nao Mestreech
• 't Duutsj Lemieësj, behuèrend bie de sjtad Aoke. Hie bevingk ziech de Lemiersjer watermeule. 'n Brökske euver de Senser(grens)beek verbingk Nederland mèt Duutsjland.

't Nederlands gedeilte haet 800 inweunersj.

Dörpsvereiniginge

• Harmonie Sint Catharina[1]
• Zangkoar CCK
• * Carnavalsvereiniging de Grenssjiebere

Gebore in Lemieësj

• Ronald Waterreus, vootbalkeeper