Mameles

Van Wikipedia
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Vieleter, es te dit dialek sjpriks.

Mameles aan de Selzerbach

Mameles (Nederlands: Mamelis) ies 'n buurtsjap van Viele in de gemingde Vols in 't heuvelland va Zuid Limburg. 't Gehuch is gelege in 't dal van de Selzerbach of Sinselbaach, die hie ouch doorheen sjtruimp. Mameles is bie 't aanlègke van de riekswaeg N278, in 1825, van Mestreech nao Vols in twièje gesjneje. De beboewing bevingk ziech noe rónd dae riekswaeg en deper gelege rónd de Mamelisserwaeg. Ten weste van de riekswaeg liegke nog twiè nujer boerderieje. Al bie-ein 25 hoezer mèt ca 70 inweunersj.

Historie[bewirk | brón bewèrke]

De vreugste vermelding sjtamp oet 1243 es Mamelines, woa toen al 'n watermeule loog. 't Oudste gedeilte liegk rónd de Sinselbaach tege de mónding in de riekswaeg. De haof Mameles sjtamp oet de 14e iew, meh de hudige boew ies van 1617-1623. In 1392 weurt 'ne hof Maemlois vermeld. De boerderie, sjure en sjtel zint van baksjtein en 't woonhoes van mergel. 't Complex weurt verpach door de abdij va Mameles. Wiejer bevinge ziech hoe nog 'n paar vakwerkhoezer en de geboewe van de veurmalige meule mèt meulesjtein.
Aan de ander ziej van de baek sjteit 'n ouwe grenspaol van de vreuger riekssjtad Aoke. Mamelis waor ein van de rotte of buurtsjappe van de hièrlikheid Viele. Get hoager op 'ne heuvel liek de abdij van Mameles, gewiejd aan Benedictus (Benedictusberg) oet 1925. De kloasterkèrk is oet 1960.

 
Gemeinte Vols
Vaan van Vols
Dörper: Hozelt · Lemieësj · Viele · Vols
Buurtsjappe en gehuchte: D'n Esj · Gènzie · Halesj · Komeresj · Kotteze · Awd Lemieësj · Nuuj Lemieësj · Duutsj Lemieësj · Mameles · Mellesjet · D'r Roare · Rot · Volsbroch · Weijerplei · Woofhaag
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mameles&oldid=339618"