Abdij va Mameles

Van Wikipedia
Naar navigatie springen Naar zoeken springen
Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Völzer, as te dit dialek sjpriks.

Abdij va Mameles

D'r Abdij va Mameles of d'r Abdij St. Benedictusberg liekt in 't gehuch Mameles in de gemèngde Vols en vervóng saer 1925 'ne abdij oet Merkelbeek, mieë bepaald oet De Kling. In 1922 waoërt mèt d'r boew van 't kloeëster begoes. D'r architect waor de:Dominikus Böhm. Bies d'r Twiede Weltkrèèg wónde d'r Duutsje Benedictiener monnike, die Duutsjlaand óntvlucht waore tiedens d'r Kulturkampf. Nao d'r krèèg waoërte de monnike oetgewaeze en waoërt 't kloeëster achterèènvolges bewónd dör Amerikaanse soldaote, pólletieke delinquente en oet Indonesië gerepatriëerde gezinne. Saer 1951 wert d'r abdij bewónd dör Nederlandse Benedictiene.

De abdijkèrk is va 1960 en óntwórpe dör Dom Hans van Laan, 'ne Benedictiener monnik-architect, dae va 1968 bies an z'ne doeëd in 1991 in d'r abdij wónde.

Liturgie[bewirk | brón bewèrke]

In d'r abdij wert de liturgie gaans in 't Latien geveerd, mèt Gregoriaanse zaank. Dit makt d'r abdij bezoonder in Nederland en, bie oetbreiding d'r gaanse Euregio Maas-Rien, want nörgens aandersj is de Latiense liturgie zoe totaal in gebruuk. Dördat de monnike de veringe daag in daag oet óp dis meneer praktisere is in d'r loop van d'r tied 'n unieke sjtilering bereikt. ömdat edere monnik precies wèt wat d'r op wat vór momaent mót gebeure, gecombineerd mèt de volledige aafwezigheed van instrumaente (zelfs de belkes vör bie de consecratie oontbraeëke), zörgt d'r vör dat de liturgie 'n hieël versjtild karakter kènt. Hiedör is d'r abdij dan ooch vermaard bie musicologe, liturgie-kènners en preesters, die de liturgie in d'r abdij 'n väörbeeldfunctie toedichte. Överigens is ooch in de sjtilering en vörmgaeving van de liturgie van de haand van Dom Hans van der Laan woeër te naeme.

Monnike[bewirk | brón bewèrke]

Saer 1996 is Adrianus (Ad) Lenglet d'r abt van Benedictusberg. Op dit moment (2010) laeve d'r 18 monnike.

Externe link[bewirk | brón bewèrke]

Bron|bronvermelding[bewirk | brón bewèrke]

  • Renout Robbertz, ‘St. Benedictusberg: Architectuur voor feilbare wezens’, in: Desipienta: Zin en Waan, Jaargang 13, nr. 2 (September 2006), pp. 40-43.
  • Bron Liturgie en Monnike: Wikipedia NL.
Commons
In de categorie Sint_Benedictusberg,_Mamelis van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Abdij_va_Mameles&oldid=354936"