Hermansbaek
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Völzer, es te dit dialek sjpriks.
De Hermansbaek (ouch waal Hermansbach geneump) is ein ziejbaek van Selzerbaek. De baek óntsjprink ten weste van 't dörpke Holset en löp vervolges door zómpetigge weije langs eine heuvelrögk dae dees baek sjeijt van de aan de angere kantj daovan gelaege Zieversbaek. Óngerwaeg nao de Selzerbaek wirt nog ’t water van drie ziejbaeke opgenómme; de Raderbaek, de Einraderbaek en de Haofweidebaek.
De Hermansbaek sjtruimp vriej sjnel en haet daodoor ’t karakter van ein bergbaekske. In de baek greujt baekpunge en d’r langs sjtaon elzebösjkes en sjtruweel. In de baek zjwömme elritse en bermpkes, biezunjer vösjsaorte die allein in sjnelsjtruimend water veurkómme.
De móndjing van ’t baekske in de Selzerbaek ligk ten noorde van Lemiers biej de kesjteëlmeule van Kesjteël Lemiers.