Lapland (etymologie)
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Lapland is d'r naam van 'n historische Zjweedse provincie, 'n hedendaags Zjweeds landsjap, Laponia, en de noordelijkste provincie van Finlaand. In 't Zjweeds betekent d'r term Landskap, historische provincie.
Vreuger verwaes me mèt d'r naam Lapland nao d'r gaanse sjtrieëk oeë de Saami wonne. D'r naam Lapland en Lappe wert deur de bevolking èèges es 'n vernedering belaefd umwille van de Finse betekenis van dae naam. 't Finse waoërd lape betekent periferie, 'n gebied dat wied oet 't centrum van 'n laand liegkt en dat dör bewoners van 't centrum bezieë waoërt es oon-oontwikkeld tut en mèt oonbesjoefd. Oorsjpronkelek waoërd mèt dae term dan ooch verwaeze nao alle luuj die in de wildernis of nog pejoratiever in 't weeld laefde. De bevolking neumt zichèèges Saami, hun taal Samisch en d'r sjtrieëk oeë ze wonne Sapmi. Umwille van de baovegenumde connotaties werre dis name noe ooch in de mètste ander tale gebroekt of me is op waeg daoheen.