Lampung Nyo
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Lampung Nyo is 'n Austronesische spraok, specifieker 'n variant van 't Lampung, die gekaldj wuuertj in drie enclaves tösse de Kanan-reveer enne Seputih-reveer in 't oeastelik deil vanne provincie Lampung op 't Indonesische eilandj Sumatra. De spraok wuuertj gekaldj door zoea 180.000 luuj (2000) en haet de ISO 639-3 code abl.
De spraok wuuertj ouch Lampong geneump; versjillige dialekte zeen Abung, Melinting, Sukadana en Tulangbawang. 't Wuuertj gesjreven in 't Kaganga sjrif.
't Guuef väöl versjillen in 't vocabulair enne fonologie mit 't Lampung Api. De lexicaal geliekenis mitte Menggala en Kalianda dialekte van 't Lampung Api is 72%; vanne dialekten óngerling is det 77%.
't Lampung Nyo wuuertj heim door alle laeftieje gebroek. De spraekers höbben 'n positieve opstèlling taengeneuver de spraok. 't Indonesisch wuuertj gebroek in 't óngerrich, religie en börgerlike domiene. De spraok wuuertj oppe lieëgere sjoeal es hölpmiddel óngerweze. De spraekers zeen euverwaegendj islamitisch.
De spraokstatus veur dees spraok is laevetig (6a); det beteikentj det de spraok gebroek wuuertj veur persuuenlike communicatie door alle generaties en det de situatie haadbaar is.