Sumatra

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Topografische kaart euver Sumatra.

Sumatra of Soematra (de oetspraok mit "uu" kump 't meiste veur) is 't op vief nao grótste eilandj oppe werreld, nao Greunlandj, Nuuj-Guinea, Borneo, Madagaskar en Baffineilandj. 't Besleit 'n oppervlakdje van 474.481 km² en wuuert aafgepaoldj doren aopen Indischen Oceaan in 't zuudwèste, de Andamanse Zieë in 't naordwèste, de Zuud-Sjinese Zieë in 't naordoeasten enne Javazieë in 't zuudoeaste. Langs de kus van Sumatra ligk 't eilandj Bangka.

Op Sumatra wone zón 50 miljoen luuj, wovan 't euverdeil besteit oet Maleisiërs; 't naordwèste wone veural Atjehneze. De meiste inwoonders zeen islamitisch, mer 't haet ouch 'n gooj minderheid kristene.

Sumatra steit, juus wie Borneo, mit naam bekandj veur 't raengewaad. Dit is d'n insigsten habitat veuren orang oetan; dore sterke óntbóssing wuuert de saort aeval ernstig bedreig.

De geologie van Sumatra wuuert gekinmirk door mieëder aktief volkane die 't eilandj van 't naordwèste toet 't zuudoeaste gevörmp höbbe. De volkaan Krakatao ligk net te zuudoeaste van 't eilandj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sumatra&oldid=445017"