Kesjteël Pöt

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


Kesjteël Pöt is 'n Kesjteël bie Voelender in Nederlands Limburg.

Besjrieving van 't kesjteël[bewirk | brón bewèrke]

In de hujige vorm sjtamt 't kesjteël oet de 18e eëuw en is geboewd op fundamente oet de 16e eëuw. 't Is 'n rechhokig tweëlaogs, óngerkelderd heërehoes, wovan de veurgevel is opgeboewd oet baksjtein en is veurzeen van geblokte natuursjteine pilasters en hèlsjteine vinster- en deurómliestinge. De lènkerziejgevel sjteit op 'ne óngerboew van mergel en is ouch opgeboewd oet baksjtein mèrdan mèt sjpeklaoge in de verdepingslaog. De mèt 'ne laatgotische baogfries veurzene 16e eëuwse achtergevel en de rechtergevel zint opgetrokke oet mergelsjtein. 't Kesjteël is ómgaeve door 'n grach mèt 'n vaste brök nao de ingangk. De brök is in de 20e eëuw aangelag es vervanging van 'n ophaolbrök. 't Hoes is bedèk door 'n mansardedaak oet de 18e eëuw. Bie ’n renevatie van ’t daak is ’n veerkèntig täöreke oet de 18e eëuw verdwene.

’t Interieur haet ènnige 18e en 19e eëuwse sjouwe en 'ne 18e eëuwse trap. In de kelder bevènje zich groate blauw- en okerkleurige wandjtegele.

't Kesjteël is allein te bereike via 'n hèlsjteine inriejpaort in de versjterkte U-vörmige drievleugelige kesjteëlhaof en veurbörch, waarsjienlik oet de 18e eëuw. In de boetegevele bevènje zich róndjóm sjeetgate, zoawaal aan de boetekantj es ouch aan de bènnekantj.

Gesjiedenis en beweuners[bewirk | brón bewèrke]

't Kesjteël woort geboewd door de ridders van Pöt en woort al geneump in documente oet de 14e eëuw (1386) es de zetel van Jan van Puth. In de volgende eëuwe waas 't kesjteël eigedom van ènnige belangrieke femilies oet de omgaeving: Van den Bongard, Van Tzevel, Dobbelsteyn van Doenrade en Marchant d’Ansembourg

De hujige eigenaer van 't kesjteël is graaf zu Stolberg-Stolberg. In de jaore 1960 vertrok de graaf oet Voelender en trok zich trök in zien kesjteël in Duutsjlandj. In de lètste jaore van de veurige eëuw haet hae 't kesjteël verhuurd aan de opperbevelhöbber van AFCENT.

Trivia[bewirk | brón bewèrke]

Kesjteël Pöt is ein van de vief kesjteële van Voelender. De angere zint Kesjteël Riviere, Kesjteël Cortenbach, Kesjteël Haeren en Kesjteël Terworm. Kesjteël Terworm beheuërde van awdshaer bie Voelender, mèr is bie vrie recente herindeilinge bie de gemeinte Heërle gaon beheuëre.

Bron[bewirk | brón bewèrke]

  • Wikipedia NL.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kesjteël_Pöt&oldid=341596"