Kathmandu

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


't Durbarplein veuren aerdsjóddel.

Kathmandu (Nepalees: काठमांडौ) is de houfstad van Nepal. De bevölking bestaatj oet zoea 975.000 inwoeaners (standj: 2011).

De stad ligk in e daal ane reveer de Vishnumati op 1350 maeter baove de zieëhuuegdje.

De stad steitj bekèndj veure väöl Boeddhistische en Hindoeistische tempelen en pelieze, wovan de meiste oete zevetieëndjen ieëf kómme. De grótste stoepa van Nepal is de Bouddhanath inne wiek Bouddha; de wichtigste tempel is Pashupatinath, neet wied van 't vleegveldj Tribhuvan. In Kathmandoe staon väöl pelieze die allewiel döks deens doon es e ministerie. De bekèndjste pelieze zeen 't Hanuman Dhoka aan 't Durbarplein, det UNESCO-Weltirfgood is. Inne vallei van Kathmandu bevinje zich nag zès anger monumènte vanne werreldirfgoodlies. 't Anger pelies steitj kórtbie Thamel en is 't veurmaolig pelies vanne Nepalse keuninklike femielje det allewiel e museum is.

Kathmandu is populair bie wèsterse toeriste, die zich veurnamelik inne wiek Thamel concentrere. 't Is veural in trèk veur cultuur- en rögktesjtoeriste. Ouch is 't 'ne veurstaasje veur bergbeklummers inne Himalaya.

Saere Tibetaanse diaspora haet Kathmandu saere twieëdje helf vannen twintjigsten ieëf Tibetaanse vlöchtelingen opgenaome.

Op 25 april 2015 woort door stad getróffe door 'ne zwaoren aerdsjóddel, mit 'n krach van 7,8 oppe sjaol van Richter (zuuch: Aerdsjóddel van Nepal (2015)). d'n Aerdsjóddel verinneweerdje väöl geboewer in 't historisch centrum. Zoea stordje de Dharahara, 'nen taore van 62 maeter hoeag oet 1832, in. Op det memènte bevónje zich 200 bezeukers in 't geboew.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kathmandu&oldid=409234"