Kaolezaandsjtèè

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Onze-Lieve-vrówwebasiliek, geboewd mèt kaolezaandjtèè en heuksjtèng en toegaank va blowwe sjtèè

Kaolezaandsjtèè is 'ne sjtèè dae zich vanaaf 't Carboon gevörmd haat en in Nederland allèng in de Heimansgroeve en de Kampergroeve bie Ieëpe in 't Geuldal an de óppervlakte keumt. Mieë nao 't zuide en ooch in de buurt va Val Dieu vindt me dae sjtèè väöl mieë an de óppervlakte ömdat, nao 't ömhoeëg kaome van de Ardenne en d'r Eifel - d'r geologische wip-wap - mieë nao 't zuide väöl mieë laoge, die dao oorsjprónkelek ooch óplaoge, eweg geërodeerd zeunt.

Kaolezandsjtèè is in 't verlaeje bie daagboew en in groeves gewónne en is o.m. gebroekd bie d'r boew van 't gasteverblief van dae abdij va Val Dieu. D'r kaolezaandsjtèè oet de Kampergroeve is nao d'r Twiede Waeltkrèèg gewónne en gebroekd öm häöf en hoezer van te boewe. Ooch de Onze-Lieve-Vrówwebasisliek, de Seent-Servaosbasiliek en dele van de Mestreechse sjtadsmuur is mèt kaolezaandsjtèè ópgetrókke.

In de buurt van de Heimansgroeve, kórt an de Belzje grens, liekt de Kwartsietgroeve. Kwartsiet is 'ne hieël helle zaandsjtèè oet 't carboon en waoërt oontgónne öm aoëves mèt te beklèjje.

Oonder de Heimansgroeve haat de KNMI 'n maetsjtation gemakd öm aardbevinge te kènne maeëte.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kaolezaandsjtèè&oldid=404265"