John Lee Hooker

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


John Lee Hooker in 1997.

John Lee Hooker (Clarksdale, Mississippi, 22 augustus 1917 - Los Altos, Californië, 21 juni 2001) waas 'nen invloodrieken Amerikaanse blueszenger, gitaris en leedjessjriever dae in zie laeve versjillige stiele broekdje. Hae gólj es 'ne wichtige vernujer vanne blues. Bekandje nómmers van Hooker zeen ónger anger Boom Boom en I'm in the Mood. Wiejer is zien samewirking mit Carlos Santana The Healer bekandj.

Allewel John Lee Hooker e wichtig deil van zien karrejaer in Detroit wóndje en wirkdje, wuuert t'r neet drek mitte Chicago-stiel vanne blues verbónje, zowie die de groeate naordelike stej vanne Vereinigdje Staote doe behieërsjdje. Hooker steit veural bekandj es 'ne vertolker van 'n aantal aan zujelike bluesstiele, bekandj es de Delta-blues, mit väöl invlood van countrymeziek en folk. Hooker speeldje de blues oppe lektrische gitaar, meis op 'ne Epiphone, döks ouch 'ne Gibson of 'ne Gretch.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=John_Lee_Hooker&oldid=444227"