Chicago

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Chicago ies ein van de groatste sjtae van de VS en mèt zien 2.9 miljoan inweunersj ies 't de 3e sjtad van Amerika nao New York en Los Angeles, en ies gelege in Cook County, Illinois. De plaats ies gelege aan 't Michiganmeer.

Bevolking

37% van de bevolking ies Afro-Amerikaans of zjwart. 25% van de bevolking is Hispanic of Latino. Zie zint aafkómstig veural oet de leng Mexico en Cuba. 25% van de bevolking ies blank. 5% van de bevolking is Aziaat. Zie kómme veural oet leng wie China en Japan. 5% van de bevolking ies van andere aafkóms. 3% van de bevolking ies van gemengde aafkóms.

11% van de bevolking ies ouwer es 65 jaar. 34% van de bevolking ies alleinsjtaond. 25% van de bevolking laef ónder de ermoojgrens. 7% van de bevolking ies werkeloos.

Klimaat

In januari ies de gemieddelde temperatuur -5,3 °C, in juli ies dat 23,9 °C. Jaorliks vèlt d'r gemieddeld 949,5 mm rege (gegeves op basis van de meetperiode 1961-1990).

Gesjiedenis

In 't gebied woa noe Chicago liek, haet oarsjprónkelik de Potawatomi-sjtam gelaef. Chicago woort gesjtiech in 1830, en kreeg in 1837 de sjtadsstatus.

Economie

Chicago haet 'n groat zakecentrum. In de neugetiènde ièw waor Chicago 't vertrèkpunt van bekans alle treine, die op weeg ginge nao 't weste van de VS. Ouvch allewiel liek de sjtad sjtrategisch, zoawaal veur trein- es veur autoverkièr. Dees positie haet Chicago tot 't groatste industrieel centrum van Amerika gemaak. Bie de sjtad bevingk ziech ein van de drökste vleegvelde van de waereld 't vleegveld O'Hare International Airport.

Kuns en cultuur

't Chicago Symphony Orchestra, mèt o.a. in 't concertseizoen 2006 - 2007 Bernard Haitink es ièrsjte dirigent. Ander bekènde dirigente waore Reiner, Georg Solti en Daniel Barenboim, Richard Strauss, Béla Bartók, Leopold Stokowski en Pierre Boulez.
The Lyric Opera of Chicago, die de opera's oetveurt in 't Civic Opera House aan North Wacker Drive. 't Ies 'n art deco-geboew oet 1929.
Mahalia Jackson, woonde in Chicago vanaaf 1927
Barack Obama waor ouch inweuner

Weitesjap

Chicago haet circa 15 zelfsjtendige universiteite. Beroemd zint de Northwestern University, mèt de de Kellogg School of Business en de Universiteit van Chicago.