Johannes Andreas Kallen

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Johannes Andreas Kallen (Ophaove-Zitterd, 26 augustus 1802 - kesjtieël Dyck, bie Neuss 23 november 1878) waor 't veerde keend oet 't 13 keender tèllend gezin van J.A. Kallen en M.C. Jaspar. Ömdat in d'r Fraanse Tied 't Albertinum College va Zitterd ópgehaeve waoërt góng Kalle nao Mestreech (Koninklijk Atheneum, later gymnasium) öm z'n middelbaar sjtudies te doeë. Daonao góng e nao 't seminarie va Luuk en waoërt óp 28 januari 1826 töt preester gewiejd. In dat ègeste jaor waoërt e kaplaon in Kapel. Tiedens de Belzje revolutie in 1830 waoërt Kallen truukgerope nao Zitterd öm dao 't Sjtadcollege te helpe hersjtelle en dat lukde 'm good. E waoërt directeur, de oonderwiesinstèlling kroog häöre naam College Kallen en kieëm in kórte tied töt groeëte bleuj. Wie in 1839 de helft van Limburg bie Nederland gevoegd waoërt en 't gemèngdebesjtuur de financieel beloftes neet mie naokieëm, vertrók d'r Belsjgezinde Kallen in 1844 nao kesjtieël Dyck oeë kaplaon waoërt.

Externe Leenk[bewirk | brón bewèrke]