Ieëgebilze

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Bilzers, es te dit dialek sjpriks.

Ursulakèrk in Ieëgebilze
Oinochoe

Ieëgebilze (Nederlands: Eigenbilzen) is e dörp en 'n deilgemeinte in de provincie Belsj Limbörg, stad Bilze, mèt op 1 jannewarie 2006 2.295 inwoeners en 'n oppervlaakde vaan 8,27 km². 't Ligk e paar kilometer oostelek vaan de eigeleke stad Bilze, kortbij 't Albertkenaal.

Historie[bewirk | brón bewèrke]

Ieëgebilze waor al in de prehistorie bewoend: me heet e keuningsgraaf oet d'n iezertied gevoonte, zoewie reste vaan Romeinse graver en 'n Romeinse villa. De naom vaan Ieëgebilze kump in 1096 veur 't iers veur. In dit stök weurt gesproke vaan 'n sjinking door Ida vaan Verdun aon d'n abdis vaan Minster. Juridisch veel 't oonder de boetebaank vaan Bilze. Vaanaof 1680 had de femilie de Heusch van de Zangerhei 't in häör bezit; zij beneumde hei sjout en sjepene. De kèrk waor 'n dochterkèrk vaan Gellik; oonder de kèrk vaan Ieëgebilze vele evels weer de kèrke vaan Móppertinge en Hoelbeek zoewie de kapelle vaan Zangerhei en Loch (gehuchte vaan Ieëgebilze).

In 1977 fuseerde Ieëgebilze mèt de stad Bilze.

Monuminte[bewirk | brón bewèrke]

Beziensweerdeg is oonder mie de neogotische Ursulakèrk (foto) mèt gotischen torie oet de veertienden iew, zoewie de Zangerheidemeile aon de Meulebeek.

 
Gemeinte Bilze
Vaan van Bilze
Deilgemeintes, dörper en gehuchte: Bilze · Bjöves · Groeëte-Spaan · Hees · Hùlbek · Ieëgebilze · Kleine-Spaan · Lin · Minster · Móppertinge · Rèkkeve · Rosmeer · Willer
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ieëgebilze&oldid=395268"