Bjöves

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Bilzers, es te dit dialek sjpriks.

---

Neogotische Gertrudiskèrk in Bjöves.

Bjöves (Nederlands: Beverst) is e dörp en 'n deilgemeinte in Belsj Limbörg, stad Bilze, mèt op 1 jannewarie 2006 5.056 inwoeners en 'n oppervlaakde vaan 12,20 km². Neve 't dörp Bjöves besteit de deilgemeinte ouch nog oet 't gehuch Schoeënbeek, wat noordelek vaan 't dörp ligk.

Bjöves, vreuger e klei boeredörp, greujde sterk door de opkoms vaan de mijnbouw in Genk. Wie de kojle dao touwgónge, voonte väöl lui werk in de oto-industrie. Bjöves waor tot 1977 'n zelfstendege gemeinte.

Bezunder gebouwe in Bjöves zien oonder mie 't Waterkestiel vaan Schoeënbeek, de neogotische parochiekèrk (foto) en de monumentaol boerderije De Zon en De Maon.