Häör

Dit artikel is gesjreve (of begós) in 't Häörs. Laes hie wie v'r mit de versjillende saorte Limburgs ómgaon.

---

Häör (Horn) Gewaeze gemeinte in Nederlandj
{{{locatie}}}
Gevörmp	1800 (gem.)
Opgehaeve	1991
Opgegange in	Hale
Provincie	Nederlands Limburg
Hoofplaats	Häör
Opperflaakde (bie opluffing)	11,59 km²
– daovan water:	{{{water}}} km²
Inwoeners (kort veur opluffing)	3.770 (1971)
– deechde:	325/km²
Lies van börgemeisters

Häör (officiële naam: Horn) is e dörp in Nederlands Limburg inne gemeente Leudaal. De naom kump oet 't Germaans (alternatief spellinge: Hurnen, Hornin of Horne) en betiekent heuvel in moerassig landj.

Waope

---

De volgende sectie van dit artikel is gesjreve in 't Mestreechs.

---

Op 23 oktober 1896 woort de gemeinte Häör door de Hoeg Raod vaan Adel bevèsteg in 't gebruuk vaan 't volgend waope:

In goud (geel) drei posheures vaan keel (roed), mèt zèlvere (wit) beslaag.

Op 11 juni 1964 woort 'n kroen dropgezat; bij die gelegeheid veurde me direk get correcties door:

In goud drei jachheures vaan keel, beslage, geopend en gemund vaan zèlver, gezat 2 en 1. 't Sjèld gedèk mèt 'n gouwe kroen vaan drei blaajer en twie perele.

't Waope is direk gebaseerd op 't aajd femiliewaope vaan de Van Hoornes, wat ouch 't waope vaan 't graofsjap Häör waor. 't Is e sprekend waope (de naom vaan de plaots weurt oetgebeeld), wat oersprunkelek koojheures had en later jachheures. De versie mèt posheures berös dus op 'n vergissing; vaandao tot dat later is gecorrigeerd. Kroene op gemeintewaopes woorte in de loup vaan d'n twintegsten iew normaal; deen trend heet me dus ouch in Häör gevolg.

Umtot 't graofsjap Häör vreuger e groet deil vaan Midde-Limbörg besloog, zien de drei heures in versjèllende Limbörgse gemeintewaopes trök te vinde. Ouch kin me ze zien in waopes vaan plaotse wied daoboete, boe 't geslach Van Hoorne vreuger bezittinge had. Wie Häör in 1991 mèt Hale fuseerde, naom de nui gemeinte Hale dit waope gooddeils oonveraanderd euver; ouch de gemeinte Leudaal, boe Häör allewijl in ligk, weurt door de drei Häörse jachheures gedomineerd.

Historie

Häör is geboedj rondom 't Kastieël Häör, waat al in de elfde of twaolfde iew 'n belangrieke burcht waar aan de Maas, en waat laoter 't centrum van 't Graafsjap Häör zoj waere, tot 1568, toen de toenmaolige Graaf van Horne, Filips II van Montmorency, oppe Grote Marktj in Brussel wèr onthoefdj, waat 't begin zoj blieke te zien vaan de Nederlandse Opstandj taege Spaanje. 't Graafsjap èges bekoom evvel saer die terechstèlling de besjerming van 't preensbisdom Luuk en waoërt pas 'n deel van 't Koninkriek Nederland in 1839.

Tot 1991 waar Häör 'n zelfstenjige gemeinte, daonao hoort 't tot 2007 bie Hale.

Historische inwoeënertalle

Jaor Aantal Greuj (gans Limburg) 1830 688 -- 1840 793 +15,3% (+5,6%) 1849 903 +13,9% (+4,3) 1859 934 +3,4% (+4,4%) 1869 947 +1,4% (+4,5%) 1879 1.093 +15,4% (+7.0%) 1889 1.243 +13,7% (+6,8%) 1899 1.253 +0,8% (+10,2%)

Jaor Aantal Greuj (gans Limburg) 1909 1.258 +0,4% (+17,8%) 1920 1.350 +7,3% (+32,6%) 1930 1.672 +23,9% (+32,6%) 1947 2.296 +37,3% (+24,2%) 1956 2.802 +22,0% (+27,3%) 1960 2.758 -1,6% (+7,4%) 1971 3.770 +36,7% (+13,9%)

Opmerking

• 't Aantal van 1971 is op e gans vieftal aafgeróndj. Gelèt op 't klein aantal inwoeëners van Häör zouw 't daorum neet gans percies kènne kloppe.

Rillatief oontwikkeling vaan 1830 tot 1971

(v₁₈₃₀=100)

Greun: Gemèndje Häör
Blauw: Provincie Limburg

Rifferenties

  Dit artikel is e sjtumpke. De kans Wikipedia helpe door 't aan te völle