Hales Brook

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Hales. Laes hie wie v'r mit de versjillende saorte Limburgs ómgaon.


Haelerbrook, brookwaeg mèt sjnieë

't Hales Brook, of Haelensche Broek, Haeles Brook, Haelerbrook is 'n saort van gehuch achter waat taegewoordig 't industriegebied Windmolenven en Zevenellen hìtj, oftewaal inne buurt van dae sjlingerwaeg bie de Plem urges rechsaaf, väör of nao kefee Harleys. D'r ligke dao ein paar sjtraote mit get aojer boerderieje (ò.a. klein Melenborg, groeat Melenborg) en zelfs ein kestieël Kikkerberg. Det zeen zo ongevieër de Peter Schreursweg, de Geyserweg (paedje achter 't kirkhaof van Häör), de Melenborgweg en de Broekweg (inne volksmondj ouch geneumdj 'Boxpleite'). D'r ligke dao un hoes of 9 aan eine kantj en 1 aan de angere kantj vanne waeg, die allemaol oetkieke äöver de oeterwaarde vanne Maas. Vreuger zal die get donder biej gestruimdj hubbe, noe kumptj ze mer aaf en toe de waeg op (hoeagwater 1926(?), 1993, 1995). 't Is ein onverwacht sjtökske bewoeaning taegewoordig; aan dae kantj van de net omgelagte Napoleonsbaan (N273), achter die febriekskes, det tankstation en zo don bie die Plem (Maascentrale, Demkolec).'n Lang laan mit mieër as 100 populiere naeve de helle waeg en daoachter 'n toegruujendj oetzich toet aan Remunj (Roermond). 'n Paar jaor truk wore dao nog weilènj, mer die haet de gemindje noe volgepaotj, as compensatie van waat ze höbbe gekaptj wie ze de waeg omlagte.

Aangezeen d'r ein sjtök Galgenberg hìtj en ein Windmolenven vermoed ich det d'r vreuger uns get van ein mäöle haet gesjtange, en det d'r wal uns get luuj zeen opgeknuiptj. Wie de waeg waerdj omgelag zeen d'r reste gevonje van een kampement oet de tied van Napoleon, mer ouch waere d'r in die buurt wal uns get Romeinse dinger oet de grondj getoverdj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hales_Brook&oldid=80915"