Hooglede

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Hooglede mèt deilgemeintes en aongrenzende (deil)gemeintes (zuug de hoofteks veur 'n verklaoring).

Hooglede (Wes-Vlaams: 'Ooglee) is e dörp en 'n gemeinte in de Belzje provincie Wes-Vlaandere, in 't arrondissemint Roeselare, centraol in de provincie gelege. De gemeinte heet 'n oppervlak vaan 37,84 km² en had op 1 januari 2008 9.928 inwoeners.

Geografie

Deilgemeintes

Hooglede heet twie deilgemeintes. Binne de deilgemeinte Hooglede ligke ouch nog twie klein aander kerne. De deilgemeinte Hooglede zelf heet 'n oppervlak vaan 22,00 km² en had in 2006 5.713 inwoeners.

I. Hooglede
- III. Sleihage
- IV. De Geite
II. Gits

Aongrenzende (deil)gemeintes

a. Lichtervelde (gemeinte Lichtervelde)
b. Beveren (stad Roeselare)
c. Roeselare (stad Roeselare)
d. Oostnieuwkerke (gemeinte Staden)

e. Staden (gemeinte Staden)
f. Handzame (gemeinte Kortemark)
g. Kortemark (gemeinte Kortemark)
h. Torhout, kèrkdörp Sint-Henricus (stad Torhout)

Ligking

Hooglede ligk bergop, op e klei heuvelrögkske wat dweers door de gemeinte löp. Ouch deil vaan dees formatie is de Hoge Gitsberg. 't Dörp Gits ligk aon de voot vaan deen heuvel, te noorde devaan.

Historie

Hooglede zouw zien oontstande roond 899. Door zien strategische ligking is 't dörp dèks de buun vaan veldsleeg gewees. In 1794 woort hei, bij d'n inval vaan de Fransoze, de Slaag bij Hooglede oetgevochte. In d'n Ierste Wereldoorlog laog Hooglede vaanoet centraal perspectief zjus veur de frontlinie, dus in door de Duitsers bezat gebeed. Bij 't geallieerd bevrijingsoffensief in oktober 1918 leep 't dörp sjaoj op. In september 1944 bevrijde Poolse soldaote 't dörp obbenuits vaan de Pruse. In 1977 woort de gemeinte Gits es deilgemeinte aon Hooglede touwgevoog.