Hoes Kruisdonk
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Hoes Kruusdonk ies 'n kesjtièlechtig landhoes in de gemeinte Mestreech, vlak bie Rothem. 't Sjteit op de plek woa oats de kruusmeule van de proosdie van Meersje haet gesjtange. Róntelum liek 'n park mèt vieversj en fónteine. Aansjletend 'ne bösj.
Historie
[bewirk | brón bewèrke]'t Geboew dateert van 1880. De opdrachgever waor de sjtiechter van de MOSA-fabriek, teves lid van de Ièrsjte kamer van de Sjate generaal Hubert Gérard Louis Regout (roopnaam: Louis). Hae waor getrouwd mèt Theresia Hubertina Berger.
In 1900 woort 't complex verboewd. Oet daen tied sjtamme ouch 't koetsjhoes en 'n porteersweunig (mèt sjpeklaoge). In 1994 haet renovatie plaatsgevónge. Allewiel zin d'r kentoare in gevestig.
Boew
[bewirk | brón bewèrke]De boewsjtiel ies eclectisch. Opvallend ies de felgeel gesausde kleur van de moere. 't Hoes haet twiè tores. Eine mèt 'ne rónne toresjpiets en 'ne groatere, mèt boved'rop 'n oetziechbalkón. De inganksluifel ies verseerd mèt sjmeedwerk. Zoa ouch 't euverdèk terras/bakón.