Eclectisme

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Stjasie Antwerpe Centraal, 'n geboew in eclectische stiel

Eclectisme is 'ne term dae in versjèjje vakgebiede hèèmhuurt en wèlt zègke dat me mèt elemaente oet versjèjje sjtrominge of sjtiele 'n nuuj sjtroming of sjtiel oontwikkelt.

Boewsjtiel

Sjtasie Verviersj.

Klassiek eclectisme

In de aodhèèd waoërte elemaente oet de Etruskische, Griekse, Romeinse en/of Oosterse boewkeuns geïntegreerd in geboewe.

19de ieëws electisme

In d'r tied van de neosjtiele combineerde me die sjtiele in èè geboew.

Vörbeelde

• Sjtasie Antwerpe
• Sjtasie Verviersj
• Justitiepalies Brussel

Postmoderne keuns

In de postmodern keuns deent eclectisme dèk es ironische illustratie van de gedachte dat wèrklèke authenticitèèt oonmäögelek is.

In de psychotherapie

Me kalt va eclectische therapie es d'r therapeut zich neet töt éng sjtroming beperkt, zoewie beväörbeeld psychoanalyse, gedragstherapie, systeemtherapie, medicamenteuse therapie, ... mae oet de verschillende sjtrominge die elemaente of technieke keest die 't bètste pase bie d'r cliënt of 't probleem. In de gezoondhèèdszörg wert mètstens väör 'n eclectische therapie gekaoze. Men keest de therapie, technieke of elemaente die statistisch 't bètste effect gaeve. Dit reduceert koste en lieëvert de bètste resultate.

In 't geleuf

Me kan ooch geleuve op 'n eclectische meneer. 'ne Eclecticist nèmt ideëe aa va versjillende övertuginge die 'm perzuënlek aa-sjpraeëke, en combineert die.

In de muziek

In de popmuziek wert d'r term mètstens in de Engelsjtalige versie Eclectic gebruukt öm 't samevoge van versjillende muzieksjtiele töt 'n gehieël te besjrieve. Voorheen gebäörde dit väöl in de urban scene mèt stiele wie r&b, hiphop, reggae en latin. Huutsedaag ziet me 'ne mix oontsjtoeë va funk, groove en club mèt soms 'n latin tintje.