Genoveva

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Beeldje van Genoveva in de kèrk van Holset

Genoveva ies 'n Franse katholieke heilige, die gebore ies in Nanterre, 422 en gesjtorve in Paries in 502.

Legendes[bewirk | brón bewèrke]

In 't jaor 429 kaom zie de heilige Germanus tege, dae häör veursjpelde dat zie heilig zou were. Dao-op lag zie de belofte van maagdelikheid aaf. Wie in daen tied Attila mèt de Hunne Paries aanveel deeg Genoveva boete en baejde um 't gevaor aaf te wende. De Hunne veranderde hun planne. In 'ne tied van hóngerjsnoad zörgde ze dat de inweunersj van de sjtad toch te ete krege.

'n Ander legende vertèlt dat ze häör moder Gerontia van blindheid geneze zou höbbe door häör de ouge mèt gezegend water te deppe.

Leve[bewirk | brón bewèrke]

Genoveva laefde sjtreng en sober, baejde en sjting veur alle luuj gereid.
De fièsdaag van de heilige vèlt op 3 januari.
Genoveva of Geneviève (Frans), ies de petroanheilige van Paries, van de vrouwe, de hodemekersj en de herdersj.
Zie weurt aangerope tege koorts, ougkrenkdes, de pes, druègde en oorlog.

Attribute[bewirk | brón bewèrke]

Genoveva weurt meistal aafgebeeld mèt 'n brennende keerts, umdat häör keerts zou zin oetgbeloze door de duvel, es zie sjnachs in de kèrk ging baeje.

In 't Zuud Limburgse Holset sjteit 'n romaanse kèrk gewiejd aan de heilige Genoveva.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Genoveva&oldid=421670"