Fysiologie

Van Wikipedia
Gank nao: navigatie, zeuke

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


Fysiologie is de lièr van de normaal laevesverrichtinge en -versjiensele bie organisme (mit naam dere). Dewiel de anatomie en histologie de structuur besjrieve van de organisme en häör organe en weefsel, besjeftig de fysiologie zich mit de normaal wirking daovan. De wirking bie aafwiekinge (wie krankheid) valle ónger de pathofysiologie

De wirking van 't lief van 't organisme zeuk me oet door gebroek te make van 'n groat aantaal methode en óngerzeukstechnieke, wobie sjemie, biosjemie, electronica, netuurkónde, immunologie, microscopie en lektronmicroscopie 'n wichtige rol spele. Döks wuèrtj ouch gebroek gemaak van deerprove.

Wichte óngerwirpe van de fysiologie zint ónger anger de wirkinge van de nere en 't zaenstèlsel, de regulaasje van 't hert en de bloodsómloup, de lónge en gaaswusseling, de spiesvertaering, de hormoanhoeshaojing, de celhomeostaas, 't intern miljeu, de motoriek en 't metabolisme.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Fysiologie&oldid=393094"