Neer (orgaan)

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Neer mit 'n bieneer d'rop.

'n Neer is e boeanvörmig oetsjeijingsorgaan det veurkump bie zougdere. De neer maak e deil oet van 't urinair stèlsel en filtjertj aafvalstoffe (veural ureum) vanoet 't blood en sjèdj dit same mit water oet es urien. De neer zörg ouch veure handjhaving van 't zoer-base-aevewich in 't lief door 't verveur van bicarbonaat en waterstofione. 't Medisch vakgebied det zich besjeftig mitte nere wuuertj nefrologie geneump. 't Bieveugelik naamwoord is "renaal".

Inne miens zeen de nere anen achterkantj (posterior) vanne boek gelaenge, achter 't boekvlees. Ze zeen 10 toet 13 cm lank, 5 cm diek en waoge eder bao 150 gram. Aan waerskantje vanne rögkegraot ligk ein neer; de rechse ligk juus óngere laever (en dus get leger es de linkse) enne linkse juus ónger 't middereef en langs 't miltj. Ane baovekantj van eder neer ligk 'ne kleer, de bieneer.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Neer_(orgaan)&oldid=393751"