Naar inhoud springen

Fransoze

Van Wikipedia
(Doorverweze van Fraanse)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De Fransoze (Frans: françois) vörmen e vouk det aafkump van Frankriek; zie deile de Franse kultuur en gesjiechten en kallen 't Frans of 'n verwantje Romaanse spraok. De Fransoze make zoea 90% vanne bevölking in Frankriek oet. De Franse zeen óntstangen oet 't minge van versjillige völker, aanvenkelik de Kelte (Galliërs) enne Romeine, mit later daobie de Germane (Franke, Noormanne, Visigoten enne Boergondiërs).

Werreldwied guuef 't zoeaget 113 miljoen Fransoze, wovan zoeaget 67 miljoen in Frankriek, 8,5 miljoen inne Vereinigdje Staote, 6,8 miljoen in Argentinië en 5 miljoen in Canada. Boete de Fransoze guuef 't nag etnische minderhejen in Frankriek, wie de inheimse minderheje vanne Baske (240.000) enne Bretoens (6 toet 7 miljoen); 't guuef onnag e deil inheimse Vlaminge bie Duunkirke, e deil inheimse Duutsjers innen Elzas en e deil inheimse Luxembörgers te zuje van 't eige landj. In recènter tieje zeen dao nag de Arabiere (5,9 miljoen), Berbers (1,5 miljoen), Iteljaender (1,5 miljoen), Portugeze (1,2 miljoen), Duutsjers (1,1 miljoen), Nederlenjers (1 miljoen) en Pole (1 miljoen) biegekómme.

Mitte oetbreijing van 't Frans koloniaal riek komen ouch väöl Fransoze terech in Azië, Amerika en Azië, veural in Nuuj-Frankriek. Algerieje, Haïti, Madagaskar en Marokko. Dit rizzelteerdje ónger anger inne apaarte etnische gruup vanne Cajuns in Louisiana enne Québécois in Quebec. Ouch óntvlöchdje väöl Hugenote Frankriek es e gevolg van religieus vervolginge; veur e deil höbbe dees zich ouch gevestig inne Lieëg Lenj, wodoor de Welsje kirke zeen óntstange.

Bekandje Fransoze

[bewirk | brón bewèrke]
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Fransoze&oldid=449252"