Simone de Beauvoir

Van Wikipedia
Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.


De volgende sectie van dit artikel is gesjreve in 't Remunjs.

Simone de Beauvoir.

Simone Lucie Ernestine Marie Bertrand de Beauvoir (Peries, 9 jannewarie, 1908 - 14 april 1986) waas 'n Franse filosofe, sjriefster en feministe. Zien wirk is heel divers; ze waas 'n sjriefster van romans, 'n politische theoretica, essayiste en 'n sjriefster van (auto)biografieje. Ze is veural bekènd óm zie wirk Le Deuxième Sexe ("'t Tweede gesjlech") oet 1949, woin ze 'n gedetailleerde analyse oetwirk van de óngerdrökking van de vrouw. 't Existentialistisch dilemma is e centraal thema in väöl van zien wirke, mer zie perspectief sjtrèk zich oet van autobiografisch toet historisch.


De volgende sectie van dit artikel is gesjreve in 't Mestreechs.

Zie waor beïnvloojd door René Descartes, Mary Wollstonecraft, Immanuel Kant, Georg Wilhelm Friedrich Hegel, Edmund Husserl, Søren Kierkegaard, Martin Heidegger, Karl Marx, Friedrich Engels, Friedrich Nietzsche en Jean-Paul Sartre. Mèt Sartre had zie ouch 'n leefdesrelatie. Zie waor op häör beurt ouch e groet veurbeeld voor Sartre, zoe ouch veur Judith Butler, Betty Friedan, Germaine Greer, Julia Kristeva, Camille Paglia, Adrienne Rich en Monique Wittig.

De Beauvoir's ganse naom is Simone Lucie Ernestine Marie Bertrand de Beauvoir. Ze waor de dochter vaan Georges Bertrand de Beauvor, 'nen advocaat en amatäörsautäör, en Francçoise Brasseur, 'n jong vrouw oet de bourgeoisie vaan Verdun. Zie waor gebore in 'n hoeg apartemint aon de Boulevard Raspail te Paries. Vaanaof häör viefde geit zie nao e meidskessjaol.


  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Simone_de_Beauvoir&oldid=448090"