FC Volendam

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


't KRAS Stadion, boe FC Volendam zien toesmatche späölt.

FC Volendam is 'n Nederlandse voetbalclub oet Volendam (gemeinte Edam-Volendam, Noord-Holland). De club kump in 't sezoen 2022/23 oet in de Ieredevisie. Volendam is mèt good 20.000 inwoeners de kleinste plaots in Nederland die 'n betaoldvoetbalclub hoevès. De club zit deep in de identiteit vaan 't dörp. Gein aander club is dèkser nao de Ieredevisie gepromoveerd (en weer droet gedegradeerd) es Volendam. Bijnaome vaan 't team zien De palingboeren, De wijdbroeken (algemein sjelnaome veur de Volendammers), Het andere oranje (nao 't sinds jaor en daag oranje tenue) en De heen en weer (nao de veerboot nao Marken dee hei iewelaank voor, meh veural es touwspeuling op 't ummer weer promovere en degradere).

Historie[bewirk | brón bewèrke]

De clubs woort in 1920 opgeriech oonder de naom Victoria en veraanderde dat drei jaor later in RKSV Volendam. Toen woort ouch 't oranje shirt al ingeveurd. In 1935 en 1938 woort de club kampioen vaan de RKF, de kathelieke voetbalboond in verzuild Nederland.

Wie in 1954 't betaold voetbal woort ingeveurd, gónge väöl gooj speulers nao 't kortbij Alkmaar '54, wat dao eine vaan de pioneers in waor. Oplossing waor veur zelf ouch in 't betaold voetbal in te stappe, wat 't volgend jaor gebäörde. Wie in 1956 't Devisie-systeem woort opgeriech, struimde Volendam in de Ierste Devisie in. Dao woort de club in 1959 kampioen vaan. De koumende jaore zouw 't nog noe en daan in de Ieredevisie speule; in 't gemein evels mèt maoteg succes. Gooj speulers gónge al gaw nao groeter clubs, veural nao Ajax. Eine vaan de groetste voetballers oet de jaore zèsteg waor Gerrie Mühren. In 1970 woort de proftak aofgesplits oonder de naom FC Volendam.

In 1987, wie de club veur de zoeväölste kier promoveerde, begós 'nen echte glorietied boe-in Volendam jaorelaank achterein in de Ieredevisie doorbrach. In 1989 en 1993 pakde de club zelfs de zèsde plaots. In 1995 waore ze daobij finalis in de KNVB-beker (oetindelek verlore vaan Feyenoord). Aon dezen tied kaom in 1998 mèt de degradatie 'n ind.

In de nuien iew deeg Volendam 't nog e tiedsje aardeg, mèt noe en daan e seizoen Ieredevisie en in de Ierste Devisie dèks gooj rizzeltaote. In de jaore '10 góng de club evels zien minste jaore in: FC Volendam indegde dèks örges oonderin en leep de naocompetitie väölal mis. Pas vaanaof 2019, wie Wim Jonk es trainer woort aongestèld, góng 't voetbal mèt sprung veuroet. Nao drei sezoene woort dit bekroend mèt de twiede plaots, die de club direk deeg promovere.

Rizzeltaote sinds 1956[bewirk | brón bewèrke]

4
6
1
17
1
7
13
16
5
7
1
12
17
1
10
17
6
8
8
14
5
7
17
2
3
12
2
15
16
7
1
14
9
6
9
13
6
11
11
16
14
18
8
17
5
6
6
17
5
3
4
1
18
16
6
12
2
9
5
6
6
14
16
3
6
2
14
57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 00 01 02 03 04 05 06 07 08 09 10 11 12 13 14 15 16 17 18 19 20 21 22 23
Ieredevisie
Ierste Devisie

Opmerking: 't sezoen 2019/20 woort um de COVID-19-pandemie neet aofgemaak.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=FC_Volendam&oldid=460080"